Pakistan chak lawmpui vangin mi 15 man

Madhya Pradesh-a Burhanpur district-ah Pathianni zan khan Champions Trophy cricket final-a Pakistan-in India an hneh ṭuma Pakistan chak lawmpuitu mi 15-te chu man an ni. Heng mite hi inkhel zawh hnuah Pakistan ṭan zawnga an au bakah, halpuahte an hal zui a ni. Hei vang hian tualchhunga Hindu mi pakhat chuan complaint a thehlut a, man an ni zui ta a ni. Muslim mi 15 mante hi sorkar laka helah puh an ni a, Thawhlehni khan court-ah hruai an ni.