Monkeypox chungchangah sorkarin kaihhruaina a tichhuak

Union health ministry chuan ram chhungah Monkeypox hri vei hmuh chhuah belh zel a nih avangin, he hri leng chungchangah tih tur leh tih loh tur, kaihhruaina a tichhuak. 

Ministry chuan kaihhruaina a tihchhuah rual hian he hri vei leh a vei nia rinhlelhte chu ṭih leh a chhuanchhe zawnga sawi tur a ni lo tih sawiin, thu dik tawk lo thehdarh leh awih lo turin mipuite a chah nghal bawk. Hri veite nena rei tak contact emaw, vawi eng emaw zat contact an neih hnuah he hri hi kaichhawn theih a nih thu a sawi. Ran, monkeypox veiin a seh leh ham pilhna aṭangin he hri hi kai theih a ni bawk.

Sorkar laipuiin task force a din chuan ram chhung monkeypox hri len dan chu uluk takin a zirchiang reng a, hri darh tur venna atana hma lak dan turte ruahmanin, sorkar hnenah pawh diagnostic facility siambelh tur pawhin a lo hrilh tawh a ni.

India ramah monkeypox hri vei hi pariat hmuh chhuah ni tawhin, an zinga pakhatin a thihpui tawh. Hri vei zinga panga hi Kerala state-ah hmuh niin, Delhi-ah pathum hmuh an ni bawk.

Ministry-in kaihhruaina a siamah tih tur a tih te -
1) Hri vei hmuhchhuah chu khung hran vat a ni tur a ni
2) Hand sanitiser hman ṭhat tur
3) Sahbawn leh tui nen uluk taka kut sil ṭhin tur
4) Hri vei bul hnaia awm chuan face mask vuah a, disposable glove bun ngei tur
5) Kan khawsakna leh a chhehvelte disinfectant hmanga tithianghlim ṭhin tur

Tih loh turte -
1) Hri vei nen puan, mutbu, thawmhnaw, towel leh thil dangte pawh inhmanṭawm loh tur
2) Hri vei thawmhnaw leh a vei lo thawhnawte suk pawlh loh tur
3) Symptom neih chuan midangte nena punkhawmna hmunah kal loh tur. Sypmtom zingah hian pangti bawl, khawsik, lu na, hrawk na, taksa na/kham leh chauh ngawih ngawihna te a tel.