Central Vigilance Commissioner atan Suresh N Patel lalut

Central Vigilance Commissioner atan nimin khan Vigilance commissioner Suresh N Patel chu rinawmna thu tiam tira lakluh a ni.

CVC post hi kum khat zet hnawhkhah lohin a awm tawh a, Patel hi kumin June thla khan acting CVC-ah dah a ni. Nimin khan CVC atan president Droupadi Murmu chuan Rashtrapati Bhavan-ah rinawmna thu a tiam tir a ni. Lakluh inkhawm hi prime minister Narendra Modi leh vice president M Venkaiah Naidu-ten an telpui.

Thla hmasa khan prime minister Narendra Modi kaihhruai selection committee chuan CVC atana Suresh N Patel ruatna hi a pawm a ni. Patel hi a hmain Andhra Bank-a chief executive officer leh managing director-te niin, kum 2020 April thla khan vigilance commissioner atan ruat a ni.

Central Vigilance Commission hi CVC hian hoin, vigilance commissioner pahnih an awm. Tunah hian Commission-ah hian CVC chauh hi awmin, vigilance commissioner ni lai an awm rih lo. Selection panel chuan vigilance commissioner atan hian Intelligence Bureau chief hlui Arvind Kumar leh consumer affairs secretary hlui Avinash Kumar Srivastavata-te a ruat tawh a, anni pawh hi lakluh thuai an ni ang.