Justice hlui Karnan-a damdawi-inah hruai

Calcutta High Court judge hlui, CS Karnan chu Chennai-ah man a nih hnuin Kolkata-ah hruai a ni a, mahse Kolkata hruai thlen a nih hnu hian a âwmah na a neih avangin damdawiin-ah hruai a ni.

Official-te chuan Karnan hian Kolkata airport a thlenin a âwm nat thu hi a sawi a, doctor-te enfiahin Presidency correctional home-ah hruai a ni. Mahse he hmuna doctor-te chuan SSKM hospital-a ennawn leh turin a lo chawh a ni. A BP pawh a sang hle niin an sawi.

Justice (retired) Karnan hi court zah loa puhin Supreme Court chuan May 9 khan, thla ruk chhung jail tang turin a hrem a ni. Supreme Court thupek tihchhuah anih hnu hian a bibo zui a, thla khat chuang zeta a awmna chin hriat loha a bibo hnuah Coimbatore, Tamil Nadu-ah West Bengal police-ten Thawhlehni khan an man ta a ni. Supreme Court chuan Karnan-a bail dilna hi a hnawlsak nghal a ni.