Delhi-ah venhimna tikhauh

Delhi Police-ten tunhnaia puipunna hmuna pawikhawihna thlentir tum an awm nia thu an dawn avangin khawpui chhungah venhimna an tikhauh.

Police-te hian thu an dawn danin, tunhnaiah London khawpuia mipui awmkhawmna hmuna pawikhawihna thlen ang kha Delhi-ah thlentir tumin firfiak 6-7 vel an lut a, heng mite hian Eid hmain Delhi hi beih an tum nia sawi a ni. Delhi Police Special cell chuan ram chhunga security agency hrang hrangte hriattirna pein, venhimna lam tihkhauh a, bus terminal, rel station, five-star hotel, mall leh market, sakhaw hmun pawimawh, khaw­tlang mite awm tamna hmun, metro station, airport, stadium leh tourist ho tamna hmunte chu uluk zawka veng turin an ti a ni.