SC-in Eknath Shinde lamṭangte ngenna ngaihtuah lo turin EC hrilh

Supreme Court chuan Maharashtra chief minister, Eknath Shinde lamṭangten Shiv Sena party dik tak zawk nia sawi a, an party symbol hman tir tura a ngenna chu ngaihtuah rih lo tur leh, thutlukna engmah la siam lo turin nimin khan Election Commission a hrilh.

Uddhav Thackeray kaihhruai, Shiv Sena aṭanga Eknath Shinde leh a hnungzuitute an hel hnuah, pawl pahnihte hian Shiv Sena ziding zawk nia inchhalin, party symbol hman chhunzawmtu nih hi an inchuh a ni.

Supreme Court chuan Shiv Sena party-a pawl pahnihte inkar buaina hi constitution bench lama thlen a ngai dawn em tih Thawhṭanni hian a ngaihtuah dawn a ni.

Shinde chuan a lamṭang an tam zawk tih sawiin, party chhung buainaah court a inrawlh tur a ni lo a ti. Party member tam zawkin an duhthlan ang chu kalpui a ni tur a ni, tiin a sawi.