Sorkar laipuiin smart city 30 dang puan belh

Sorkar laipui chaun nimin khan smart city-a siam tur khawpui 30 hming a puan belh leh a, Smart City Mission hnuaia khawpui chei tur a puan hi 90 an tling tawh a ni.

Smart City list thar tihchhuahah hian Thiruvananthapuram chu a chungnung ber a, khawpui dangte chu Trivendrum, Naya Raipur, Rajkit, Amaravati, Patna, Karimnagar, Muzaffarpur, Puducherry, Gandhinagar, Srinagar, Sagar, Karnal, Satna, Bengaluru, Shimla, Dehradun, Tiruppur, Pimpri Chinchwad, Bilaspur, Pasighat, Jammu, Dahod, Tirunelveli, Thootukkudi, Tiruchirapalli, Jhansi, Aizawl, Allahabad, Aligarh, Gangtok te an ni.

Minister of Urban Development and Housing & Urban Poverty Alleviation M. Venkaiah Naidu chuan Delhi-a National Workshop on Urban Transformation neihnaah smart city list thar hi a puang a, smart city-a puan tur 40 atan khawpui 45 te inelin, khawpui 30 chauh thlan chhuah a ni rih tih a sawi.

Smart city plan hnuaiah heng khawpui 30 te cheina atan hian cheng vaibelchhe 57,393 dah a ni leh dawn a, heng zingah hian infrastructure atan cheng vaibelchhe 46,879 dah a ni ang. Khawpui 90-te smart city atana cheina tur atana sum ruahman hi cheng vaibelchhe 1,91,155 a tling tawh a ni.