Uttarakhand sorkarin phone leh car a lei khapsak
Uttarakhand High Court chuan Ningani khan state sorkar chu car, mobile phone leh nawmchenna lam thil a lei a khapsak.
Uttarakhand sorkar hian state sorkar enkawl school hrang hrangah an mamawhte a pe thei lo nia sawiin court-ah petition thehluh a ni a, hei justice Rajiv Sharma leh Alok Singh-te chuan ngaihtuahin, school mamawh zualpui pawh a pek theih loh laiin nawmchenna lam chi eng thil mah lei tawh lo turin state sorkar chu a hriattir a ni.
Court hian hemi hma hian sorkar school mamawh zualpuite chu ngaihtuahsak a, sanitary healthcare, school naupang tan thla ruk danah uniform thar, midday meal, light ṭha, ṭhutna leh blackboard te ngaihtuah turin alo ti tawh a ni. Mahse court thupek tihchhuah hnu thla sarihah pawh tihhlawhtlin a nih loh avangin sorkar hrekna tur hi court chuan a tichhuak ta a ni.