Maha CM-in loneitute loan ba Rs vbc 34,000 ngaihdam thu a puang ; MLA-ten an thla khat hlawh ṭheuh thawh dawn

Maharashtra Chief Minister Devendra Fadnavis chuan an state chhunga loneitute loan ba, cheng vaibelchhe 37,000 ngaihdam anih tur thu kar kalta Inrinni khan a puang.

Kar kalta Inrinnia CM Fadnavis-a kaihhruai cabinet meeting-ah farm loan ba ngaihdam tur chungchangah hian thutlukna hi an siam a ni. Meeting zawh hnua press conference a neihah, CM Fadnavis chuan, state sorkarin farm loan ba cheng vaibelchhe 34,000 a ngaihdam tur thu hi sawiin, cheng nuai 1.5 ba chin chu an ba zawng zawng ngaihdamsak an ni dawn tih a sawi.

CM chuan loan tam tham tak an ngaihdam avanga sum lama harsatna an neih turte pawh an hriat lawk thu sawiin, sorkar sum hman chhuah turte pawh tihtlem a ni dawn a, minister leh MLA zawng zawngten an thla khat hlawh an thawh ṭheuh dawn bawk tih a sawi.

State sorkarin loan ba a ngaihdam tur hi state chhunga loneitute nuai 65 chuangin an chhawr thei dawn a ni.