Kashmir-ah internet data speed tihhniamtir

Jammu and Kashmir-a firfiakte pawikhawihna leh tualchhung buaina a chhuah leh hnuah, state police-te chuan telecom company-te chu an data speed tihniam turin an hriattir. 3G/4G data service chu 2G speed (128 Kbps) chinah tihniam vek turin an hrilh.

Kar kalta Inrinni zan khan firfiak pahnih chuan Panta Chowk-ah CRPF convoy an kap leh a, firf­iakte hi Delhi Public School, Srinagar-ah tlan lutin security force-te chuan school hi hual nghal­in, nimin zing lam thleng khan an inkap zui a ni.

Firfiak leh security force-te inbeihnaah hian sipai pathumin hliam an tuar a, mahse ngaihtuah­awm an ni lo. Firfiak pa­hnihte hi security force-te hian an kaphlum a, midang thurualpui an neih leh neih loh dap zui mek a ni.

Pakistan firfiak pawl, Laskhar-e-Taiba (LeT) chuan CRFP convoy bei­tu hi an mi leh sate niin an chhal.

Inrinni vek khan Srinagar bulah CRPF sub-inspector pakhat chu firfiakten a chuanna motor an beih avangin an thi a, sipai pahnihin hliam an tuar bawk.