Delhi PWD-in Mishra-a bungalow chhuahsan turin hriattir

Delhi sorkar hnuaia Public Works Department (PWD) chuan cabinet minister hlui, Kapil Mishra chu a bungalow aṭanga rang thei anga chhuak turin a hriattir. Mishra hi water minister a ni ṭhin a, mahse a hna chanpual enkawl ṭha tawk loa puhin Chief Minister Arvind Kejirwal-a chuan May 6 khan minister aṭangin a lo ban tawh a ni. 

Minister aṭanga ban a nih hnuah a bungalow hi a la luah zui reng a, mahse PWD chuan cabinet minister a nih tawh loh avangin a awm zui thei tawh lo tih a sawi. Official chuan Mishra hian minister aṭang ban anih hnu ni 15 chhung chu a awmzui thei a, mahse danah chuan hemi hnu lamah hian a awm zui zel thei lo tih a sawi. Hei vang hian a rang thei anga a bungalow hi chhuahsan tura hriattir a ni, a ti.