PM Modi kaihhruaiin NITI Aayog Meeting nei

Prime minister Narendra Modi kaihhruaiin nimin khan government think tank Niti Aayog governing council meeting vawi sarihna neih a ni.

Meeting hi Rashtrapati Bhawan-a Cultural Centre-ah neih a ni a, kum 2019 July thla hnua Niti Aayog top body, Governing Council-in physical meeting an neihna hmasa ber a ni. Council-ah hian prime minister chu chairman a ni a, state chief minister, union territory lieutenant governor-te bakah union minister eng emaw zat an tel a ni.

Nimina meeting neihah hian Telangana chief minister K Chandrasekhar Rao leh Bihar chief minister Nitish Kumar-te an tel ve lo. Telangana CM chuan PM Modi hnenah lehkha thawnin, sorkar laipuiin state ṭhenkhat, Telangana pawh tela a enhran bik avangin meeting-ah a tel hi a ṭulna a awm lo niin a sawi. India ram chak leh hmasawn tur chuan sorkar laipui chuan state tinte chu ang khat veka a en a ngai a ni, a ti.

Meeting-ah hian oilseed leh pulses lama intodelh dan te, National Education Policy-school education leh National Education Policy-higher education kalpui dan turte leh urban governance chungchangte an ngaihtuah.