Rajasthan sorkar phiarrua puh chungchangah Police-ten FIR pahnih an ziak lut
Rajasthan Police-te chuan chief minister Ashok Gehlot kaihhruai Congress sorkar paihthlak tuma BJP thurualpuia puh chung changah nimin khan FIR pahnih an ziak lut.
Congress party thupuangtu Randeep Surjewala chuan union minister leh BJP leader Gajendra Singh Sekhawat leh Congress MLA hel zinga pakhat, Bhanwarlal Sharma-te inbiakna, audio clip-ah sorkar phiarrukna lam hawi an sawi nia tarlangin, man turina phut bawk. Mahse union minister Shekhawat chuan audio clip-a mi chu a ni lo tih a sawi a, chhui chian pawh a inhuam thu a sawi.
Audio clip a chhuah hnu hian Congress party chuan an party MLA hlel, minister hlui pahnih Bhanwarlal Sharma leh Vishwendra Singh-te chu a hrem nghal a ni. Congress hruaitu Randeep Surjewala chuan hripui leng mek karah, PM Modi leh a kaihhruai BJP chuan hri leng do hna thawh aiin thuneihna chhuhsak tuma phiarrukna an lo siam zawk a ni, a ti.
Lungawi lo hi
hel tihna a ni lo : Pilot
Rajasthan Assembly Speaker-in Sachin Pilot leh amah thlawptu Congress MLA 18-te hnena party duhdan kalha chea puha Assembly member aṭanga ban an nihna tur hriattirna a pek, Rajasthan High Court-a Pilot-a'n a khin lehna chu nimin kha ngaihtuah a ni.
Sachin Pilot chuan chief minister Ashok Gehlot lakah a lungawi lo a, a lungawi loh avang hian sorkar lakah a hel tihna a ni lo tih a sawi. CM thlak a phut a, sorkar thlak a phut kher lo tih HC hnenah hian a sawi.