Guwahati bula ink factory a kang

Guwahati khaw dai, Palashbari-a Hudumpar area-a ink factory-ah Pathianni zan khan kangmei nasa tak a chhuak a, factory bul vela awmte chu hmun him lamah sawnchhuah an ni.

Factory kang ṭhelh tur hian Mizra, Pandu leh Chaygaon fire station aṭangin kangṭhelh pawl pali tirh nghal an ni. Hnathawktu zingah thi leh hliam an awm hriat a ni lo a, bungrua erawh cheng vaibelchhe tel hu a kangral hman.

Police-te chuan kangmei chhuah chhan tak hi hriatchian a la ni lo tih an sawi a, mahse kangmei hi chemical dahkhawmna room aṭanga chhuak ṭan nia sawi a ni.