Congress North East panel chairman atan Nabam Tuki ruat

Congress party chuan North East Congress Coordination Committee chairman atan Arunachal Pradesh chief minister hlui Nabam Tuki a ruat a, convener atan Pradyut Bordoloi a ruat bawk.

Nabam Tuki hi kum 2011 leh 2016-ah Arunachal Pradesh Chief Minister a lo ni tawh a, Bordoloi hi Assam-a Congress MP a ni.

Bordoloi chuan Congress president chungchangah a rin ngamna leh mawhphurhna pawimawh tak a pek avanga lawmthu sawiin, hmarchhak biala Congress party tuaithar lehna turin theihtawp a chhuah dawn tih a sawi. Senior leader Nabam Tuki nena thawhdun chu a phur tawh hle tih sawiin, hma an sawn ngei a beisei thu a sawi bawk.

Congress party hian hmarchhak pumah rorelna lo chan tawh ṭhin tawh mah se, tunah hian hmarchhak-a sorkarna an nei lo. Hei vang hian an party dinhmun siamṭhat a, intuaithar leh tumin hma an la mek a ni.