Kovind-a’n Kashmir MP leh MLA-te hmu dawn

NDA president candidate Ram Nath Kovind chuan vawiin hian Srinagar tlawhin, Kashmir MP leh MLA-te a hmu dawn. Kovind hi Union minister pahnih, M Venkaiah Naidu leh Jitendra Singh-te’n an ṭawiawm dawn a, BJP general secretawry Ram Madhav pawhin a zui ang. Kovind hian July 17-a president thlanna neih turah campaign-in, electoral college hmu tura state hrang hrang tlawhkual a tum a ni. June 25 khan Uttar Pradesh a lo tlawh tawh a ni. Eptu pawl candidate in-

ṭawm, Meira Kumar-i pawhin vawiin hian nomination paper a thehlut ang. Kumar-i hi Congress president Sonia Gandhi, prime minister hlui Manmohan Singh leh Congress hruaitu hlun Ghulam Nabi Azad leh Mallikarjun Kharge-te’n an ṭawiawm ang.

Kumar-i’n nomination paper a thehluh lai hian amah thlawptu party 16 hruaitute pawhin an telpui dawn a, an zingah hian NCP hotu Sharad Pawar, West Bengal Chief Minister Mamata Banerjee, CPI-M hotu Sitaram Yechury leh RJD hotu Lalu Prasad-te an tel dawn a ni.