Loneitu chhungkaw tam zawkin lakluh aia tam an hmang

IndiaSpend-in sorkar data hrang hrang a zirchianna aṭangin ramchhunga loneitu chhungkua, 70% dawn chuan thla tinin an sum lakluh aia tam an hmang a, hei vang hian leiba avanga buainaah a hnuhluh phah niin a tarlang.

Ram chhung hmun hrang hrangah loneitu, leiba ngah avanga intihlum an awm reng a ni.

Kum 2013-a National Sample Survey Office (NSSO)-in loneitu chhungkua zirchianna a neihah chhungkaw maktaduai 62.6, ram hectare khat leh a aia zim nei chinte chuan an sum lakluh aia tam an hmang chhuak a ni. Hetihlai hian ram hectare 10 aia zau nei chin zinga chhung kaw nuai 35 vel chuan thla khatah Rs 41,338 vel an lakluh laiin an hmanral hi Rs 14,447 vel a ni thung.