Aadhaar la nei lote tan hun pawhseisak

Sorkar laipui chuan social welfare scheme hnuaia hamṭhatna dawng tur, Aadhaar number la neilote tan kumin September 30 thleng hun a pawhsei sak.

Sorkar laipuiin sorkar scheme hnuaia hamṭhatna dawng turte tana Aadhaar neih ngei ngei a ngai tia thupek a lo siam chungchang chu nimin khan Supreem Court chuan a ngaihtuah a, hemi chungchangah hian court hian thupek a tichhuak duh lo. Mahse he thubuai ngaihtuah a nih leh hma chuan Aadhaar la neilote pawh sorkar scheme aṭanga thlauhthlak theih an ni lo tih a sawi.

Nimina Supreme Court-ah ngaihtuahnaah hian sorkar laipui chuan Aadhaar card la nei lote tan hun a tiam chu kumin September 30 thlengin a pawtsei leh tih a sawi.

BJP kaihhruai NDA sorkar chuan chhiah pekna atan pawh July 1 aṭangin Aadhaar hi a ngai tel tih alo sawi tawh a, hemi atan hian Aadhaar leh Permanent Account Number (PAN) te chu link vek turin alo ti tawh a ni. Hei bakah hian bank account neitute pawhin an account leh Adhaar-te thlunzawm vek turin a ti. June 16 khan sorkar laipui chuan bank account hawng thar tur leh, Rs 50,000 chin thawn tur tan Aadhaar number hi neih ngei ngei a ngai lo tih alo sawi tawh bawk a ni.