CBI-in Ahmed awmna hrilh thei hnenah lawmman pek tiam
Central Bureau of Investigation (CBI) chuan nikum October 14 aṭanga chin hriat loha awm, Jawaharlal Nehru University (JNU) zirlai Najeed Ahmed-a awmna chin hrilh theih hnenah lawmman, cheng nuai 10 pek a tiam.
Najeed Ahmed hi nikum October 14-a RSS zirlai pawl, ABVP nena an intihbuai hnuin a chin hriat lohin a awm zui a ni. CBI chuan Najeeb-a awmna, JNU-a Mahi-Mandvi hostel pawh an tawlh tawh a ni.
Najeed-a nu, Fatima Nafees chuan CBI officer-te a hmu tawh bawk a, hostel aṭanga chin hriat loha a fapa a awm hmaa a chunga thil thlengte a hrilh a ni. Fatima-i chuan Najeeb hi holiday a hman hnuah October 13 khan hostel-ah hian a lut tih a sawi a, October 15-16 zan khan a fap hian telephone-a biain, thil dik lo a awm thu a hrilh tih a sawi. Najeeb-a roommate pawhin an intihbuainaah Najeeb hian hliam a tuar tih a hrilh bawk niin a sawi.
A fapa nena an inbiak hnuah Fatima-i hian Uttar Pradesh aṭangin bus-in Delhi hi a pan nghal a, Anand Vihar a thlen hnuah a fapa hi phone-a biain, a thlenna hotel-ah hmu turin a hrilh tih a sawi. Mahse Najeeb hi hmuh tur a awm lo zui a, a awmna Mahi- Mandvi Hostel-ah pawh a va kal tih a sawi.
Delhi Police-te’n a fapa awmna chin hi an chhui chhuah sak theih loh avangin Fatima-i hian Delhi High Court-ah CBI chhui tir turin a ngen a ni. May 16 khan Justice GS Sistani leh Rekh Palli-te awmna bench chuan Najeen chungchang hi CBI chhui turin an pe a, DIG rank aia hniam lo officer enpui turin a ti bawk.