Jammu Army camp beihnaah sipai 3 an thi

Jammu and Kashmir-a Rajouri district-a army camp chu nimin zing khawvar hma deuhin firfiakten an bei a, sipai pathum an thi a, mi dang pahnih an hliam. Firfiak pahnih chu sipaiten an kaphlum ve bawk.

Army White Knight Corps chuan firfiak ṭhenkhatin Pargal-a army camp hungna chu kaltlang luih an tum a, hei hi sipai duty-te chuan lo dangin an inkap ta niin a sawi a, firfiak leh sipaite inkahnaha hian Subedar Rajendra Prasad, Rifleman Manoj Kumar leh Rifleman Lakshmanan D-te an thi a ni, a ti. Inbeihna thlen hnuah army camp-ah hian sipai tam zawk tirh luh nghal an ni bawk.

Rajouri district leh Jammu region hmun dang hi firfiakte lakah an him ṭhin hle a, mahse thla ruk liam ta aṭang khan firfiak pawl pawikhawihna a thleng ta fo a ni.

Police-te chuan nimin zinga army camp beihnaah hian Lashkar-e-Taiba (LeT) an inrawlh niin an sawi.