Mi retheite ṭanpui nan Rs vbc 65,000 mamawh a ni - Raghuram Rajan

Ram chhunga coronavirus hri leng vanga harsatna tawk mek mi retheite ṭanpui nan cheng vaibelchhe 65,000 mamawh a ni tih, RBI governor hlui Raghuram Rajan chuan Rahul Gandhi a hrilh. 

Nimin zing lam khan Raghuram Rajan leh Rahul Gandhi-te hi video hmangin hri leng chungchangah inkawmna an nei a, he inkawmna hi social media platform Twitter, Face­book leh YouTube-ahte live a ni.

He inkawmnaah hian Rahul chuan ramchhunga hri leng vangin inkharkhip (lockdown) hman mek a nih thu sawiin, hei vang hian mirethei zawkte chuan ei leh in tur an zawnna kawngah hna an thawk thei lo a, pawn lamah an chhuak thei lo a ni, chuvang chuan harsatna nasa leh zual an tawk mek a ni, a ti. Heng miretheite ṭanpui nan hian Rahul chuan eng zat nge pawisa mamawh a nih ang tiin Rajan chu a zawt a, ani chu Rs vbc  65,000 vel mamawh a nih tur thu hi Rahul chu a lo hrilh a ni.

Rajan chuan lockdown hi kum khuaa kalpui chi a ni lo a, hei vang hian economy lama ramin hma a sawn theih nan, sorkar chuan a tih dan tur uluk taka a duan a ngai a ni, a ti.