PM Modi leh Bangladesh PM-in hri leng chungchang an sawi

Prime minister Narendra Modi leh Bang­ladesh prime minister Sheikh Hasina-te chu Nilaini khan telephone hmanga inbiain Covid-19 chungchang an sawi dun.

Ram pahnih hruaitute hian anmahni ram ve vea an hmalak dan chungchangte inhrilh tawhin March 15-a SAARC ramte'n inremna an siam dan chungchanga an lawm thute pawh an sawi a ni.

PM Narendra Modi chuan SAARC Covid-19 Emergency Fund-a US dollar maktaduai 1.5 a chhung avangin Sheikh Hasina chu lawmthu a hrilh nghal a, kawngpui, rel, lawng leh thlawhtheihna hmanga bungrua an inthawn luh tawn reng danah an lung a awi hle tih an sawi bawk.

Narendra Modi hian Ramzaan thla an hman mekah Bangladesh mi­puite chu an PM kaltlangin chibai a buk a ni.