Ram pumah GST hmang ṭan

Ram puma hman tur, chhiah lakna dan Goods and Services Tax (GST) chu June 30, Zirtawpni zanlai khan Parliament special session-ah hawn a ni a, July 1 aṭang khan hman ṭan nghal a ni.

GST hawnna tur puala Parliament Central Hall-a midnight session neihah hian Prime Minister Narendra Modi chuan chhiah lakna dan thar siam chuan eirukna leh hlemhletna tam tak a tibo thei dawn a, sumdawnna leh nunphung siamṭhatna a ni dawn tih a sawi. Zanlai inkhawm buatsaih hi eptu party, Congress, Trinamool Congress, DMK leh Left Party-te chuan an boycott thung a, GST siam thar chu a tira an ruahman anga duan a nih loh thu an sawi.