Zirlai pakhat atan nu leh paten Rs nuai 12.22 seng
Zirchianna neihah chawhrualin primary school aṭanga undergraduate level thlenga lehkha zirtir nan India rama nu leh pate chuan an fa, cheng nuai 12.22 an seng.
Zirna senso atana sum sen hian school leh university fee, lehkhabu, transport leh an awmna thlengin a huam tel niin ‘The Value of Education’ series, ‘Higher and Higher’ chuan a tarlang.
Zirchianna neihah hian India rama nu leh pa 87% zet chuan an faten hna an hmuh theihna atan post-graduate degree neih chu thil pawimawh takah an ngai. Nu leh pa zinga 59%-in an fate zirna senso chu an thla tin lakluh aṭangin an hmang a, 48% chuan general savings, investment leh insurance kaltlangin an pe a, 30% chuan education savings leh investment plan kaltlangin an pe bawk.