Bawngsa phurtu sawisak hlum vangin BJP hruaitu man
Jharkhand-a Ramgarh district-ah mi pakhat chu bawngsa a phura puh a nih avangin sawisak hlum a ni a, he pawikhawihna thlenga inhnamhnawih BJP hruaitu pakhat leh midang pahnih man an ni.
June 29 khan Muslim sumdawng, Asgar Ali chuan a maurti van-ah bawngsa a phur a, Bajartand khuaah mi ṭhenkhatin a motor hi lo tidingin, na takin an sawisa zui ta niin police-te chuan an sawi. A motor pawh hi an halsak zui a ni. Police-te chuan Ansari hi mipuite kut aṭanga chhanchhuakin damdawi-in an panpui a, mahse damdawi-inah hian a hliam tuar loin a thi zui ta a ni.
He pawikhawihna thlen ni hi Prime Minister Narendra Modi-a’n Gujarat a tlawh ṭuma bawng humhalh chhuanlama midangte kutthlak leh insawisakna thleng ṭhin a dem thu a sawi ni a ni.
Pawikhawihna thleng kaihhnawiha BJP hruaitu man hi Ramgarh district media in-charge Nityanand Mahto a ni a, locak party unit chief Pappu Banerjee pawh man zingah a tel. Hetih lai hian Mahto chuan kutthlaknaah hian a tel lo a, thil awmdan hriatchian tumin mipui zingah hian a lut ve mai niin a sawi.