Kerala sorkarin agriculture sector-ah Rs vbc 3,000 dah

Kerala sorkar chuan an state food security atan leh hna thawh tur siam zel a nih theih nan, agriculture sector-ah Rs vaibel­chhe 3,000 a dah.

Covid-19 avangin inkharkhip puan a ni a, hei vang hian mi tam takin an hna an chan bakah, ramchhungah ei leh inah harsatna a awm chho ṭan a ni. State chhunga lo neituten harsatna nasa zawk an tawh lo nan te, mipuiin ei leh barah harsatna an tawh loh nan leh hna thawh tur siam a nih theih nan, Kerala sorkar chuan agriculture sector-ah hian Rs vbc 3,000 a dah tih chief minister Pinarayi Vijayan chuan a sawi. 

Heng pawisa dah zinga Rs vbc 1,500 chu local self-government institution aṭangin leh department hrang hrang aṭanga  pawhpen a ni. A dang Rs vbc 1,500 hi NABARD leh Co-operative sector aṭanga loan hmanga lak a ni bawk.

CM Pinarayi Vijayan chuan he hmalakna hi lo neitute sum lakluh chu a pun belh theih nan te, lo neih lama ṭhalai zawkten hna an thawh chak nan te, agriculture lama harh tharna neih theih nan te leh, state chhunga mipuiten ei leh bar lama harsatna an neih loh nana tih a nih thu a sawi.