Independence Day-ah punkhawmna lian tham buatsaih lo turin ti

Ram chhungah Covid-19 hri kai thar nitin mi 15,000 chuang an awm chho leh reng tawh a, hei vang hian sorkar laipui chuan Independence Day lawmna neih turah pawh mipui tam tak punkhawmna siam lo turin state-te a hrilh. Hei bakah mitinte chu Covid inkaihhruaina dante zawm ṭha turin a chah bawk.

Union Home Ministry chuan state leh Union Territory tinte chu state/UT-a district tinah hmun thlan bikah 'Swacch Bharat' campaign nei turin a ti bawk a ni.

Ministry chuan Covid-19 hri leng laka invenna atan Independence Day lawmna buatsaihah mipui tam tak pungkhawmna tur chu pumpelh hram turin a ngen.

Ningani khan India ramah hri kai thar mi 6,561 awmin, Covid-19 hri kai hmuh chhuah tawh hi mi 4,42,23,557 an awm tawh. Hri kai mek, active case hi 1,23,535 an awm bawk a ni.

Hripui vanga thi hi mi 49 awm belh lehin, heng mite nen hian India ramah Covid-19 hri thihpui hi mi 5,26,928 an tling tawh bawk.