Lalu-a fapa disqualify turin EC-ah ngen
Bihar-a BJP hruaitu Sushil Modi chuan Bihar-a ṭangrual sorkara minister ni lai, RJD hotu Lalu Prasad Yadav-a fapa, Tej Pratap Yadav-a chu a thil neih zat a puanzar loh avangin disqualify turin Election Commission hnenah a ngen.
Modi chuan 2015 assembly inthlan neih dawn khan Tej Pratap hian poll affidavit-ah a thil neihte a ziaklang kim lo niin a sawi. “Tej Pratap hian Aurangabad-a a ram neihte a tarlang tel lo a, hei vang hian EC hnenah hemi chungchang hi chhui chiang a, Representation of the People Act leh IPC Act hnuaiah a laka action la ngei turin kan phut a ni”, a ti.
BJP hruaitu chuan Tej Pratap-a hming hian kum 2010 khan Aurangabad-ah ram, cheng nuai 55 man chu register a ni a, mahse hei hi affidavit-ah ziahlan a ni lo tih a sawi. Modi chuan affidavit chu engmah zep leh thupbo awm loa tarlanna tur a ni a, mahse Tej Pratap-a thiltih dan chu misualten dan an bawhchhiatna nen inang reng a ni, a ti. Hei vang hian MLA a nihna pawh disqualify turin an phut tih a sawi.