Commando-te’n Hyderabad-a in 900 an dap

Police leh anti-terror commando-te chuan Thawhlehni zan khan Hyderabad-ah rukru zawngin chenna-in 900 vel an dap.

Muthoot Finance office chu mi pasarih velin rawk an tum a, CCTV footage aṭanga a landanin an zinga mi pahnihten official-te an biak laiin midangte chu silai nen an tlanlut a ni. Mahse official hi tukverh lamah tlan phei vatin a ban a vai chhuak a, ṭanpuitu a au nghal a, midang pakhatin emergency alarm a hmet nghal bawk. Hei vang hian misualte hian an thil tum hiṭhulhin an tlanchhe zui ta a ni.

Misualte man chhuah ngei tumin Andhra Pradesh police leh Organisation for Counter Terrorist Operations elite group, Octopus commando-te chuan beihpui an thlak nghal a, khawpui chhunga Rajender Nagar area-a Happy Home Towers-a apartment-te chu an dap nghal a ni. Police-te hian misualte motor hman, SUV chu Happy Home Towers complex-ah an hmu a, motor aṭang hian bag, blade leh hreipui an man tel a ni.