CEC tharin a hna zawm

Chief Election Commissioner thar, Achal Kumar Joti chuan nimin khan a hna thar a zawm.

Joti hian Narendra Modi-a Gujarat chief mi­nister a nih lai khan chief secretary hna a chelh ṭhin. 1975 batch IAS officer niin, CEC 21-na tur hian ruat a ni a, mahse he hna hi a chelh rei hman dawn lo a, kum 2018 January thlaah a pension ang. CEC leh EC hna hi kum ruk chhung emaw, kum 65 an tlin emaw thleng an chelh thei a ni.

Joti-a CEC a nih chhung hian state pa­hnih, Gujarat leh Himachal Pradesh-ah assembly inthlan neih a ni dawn a, hei bakah hian AAP MLA 21-te thubuai pawh ngaihtuahin, AIADMK-a pawl hnihten party symbol an inchuh chung­chang pawh a buaipui hman dawn a ni.

CEC a nih chhunga Joti-a tana hna hautak tak tur chu vote thlakna atana EVM leh VVP thlunzawm vek tum chungchang a ni. Union cabinet chuan Election Commission-in a ngenna angin, vote thlakna electronic voting machine (EVM) te chu voter-verifiable paper audit trail (VVPAT) nen thlunzawm vel a lo remtihpui tawh a, hemi atan hian VVPAT unit 16,15,000 leina tur pawh a tifel tawh a ni.