Rajasthan-ah thlawhtheihna a tla

Indian Air Force (IAF) thlawhtheihna, MIG-23 chu nimin khan Rajasthan-a Jodhpur-ah a tla a, pilot pahnihte chu a tlak hma hian him takin an invawrh chhuak hman a ni. Aircraft hi dan pangngai anga training neia thlawk chhuak a ni a, Balesar biala a tla ta a ni. A tlak chhan hi chhui chiang tura thupek tihchhuah nghal a ni. Thawhlehni khan IAF chopper, Advanced Light Helicopter (ALH) chu Arunachal Pradesh-a tuilian tuarte chhanchhuah hna a thawh laiin chin hriat lohin a awm a, Nilaini khan a tlakna hmuh a ni.