National Party-ten Rs vbch 287.89 hmuchhuak
National political party-te chuan kum 2016-a state panga-a assembly inthlan neih dawn khan cheng vaibelchhe 287.89 an hmuchhuak a, mahse an hmanral hi cheng vaibelchhe 188.12 chauh a nih thung niin Association for Democratic Reforms (ADR) report chuan a tarlang.
Report chuan state panga-a assembly inthlan neihnaah hian regional party 25 ten an chuh bawk a, mahse heng party-te hian an sum hmanral zat tarlante hi an thehlut kim lo niin a sawi. Regional party zingah hian National People’s Party, Janata Dal-Secular, Revolutionary Socialist Party, Kerala Congress-Mani, the DMDK, the Rastriya Janata Dal, Jammu and Kashmir National Panthers Party, All Jharkhand Students Union leh Jharkhand Mukti Morcha te pawh an tel a ni.
ADR chuan report an dawn chinah 2016 assembly inthlana regional party-te sum hmuhchhuah chu cheng vaibelchhe 67.22 a nih laiin, an hmanral zat chu cheng vaibelchhe 213.97 a ni thung tih a sawi.
Kum 2016 khan Assam, Kerala, Puducherry, Tamil Nadu leh West Bengal-ahte assembly inthlan hi buatsaih a ni.
ADR chuan political party-te hian party central headquarters leh state level-a an sum hmuhte an report a, national leh regional party-ten central level-a an sum hmuh hi cheng vaibelchhe 190.23 a ni a, hengte hi a sum fai bakah cheque-a an dawn a ni tih a sawi.