Sukma operation neihah Naxal hel 18 that

Chattisgarh Police-te chuan thla hmasaa Sukma district-a Tondamark biala beihpui an thlaknaah Naxal hel 18 kahhlum an nih thu a sawi.

Naxal hel laka beihpui thlak hi ‘Prahaar’ tia vuah a ni a, beihpui thlaknaah hian Central Reserve Police Force (CRPF), CRPF elite unit Commando Battalion for Resolute Action (CoBRA) leh state police-a Special Task Force (STF) bakah District Reserve Guard (DRG) te an tel a, June 23-25 inkar khan an thawk a ni.

Security force-ten beihpui an thlakna hi Chhintagufa police station huam­chhunga ramhnuaiah a ni a, he hmun hi Naxal ho hmun him nia ngaih a ni. Hel kahhlum zinga pakhat ruang chu hmuh a ni tawh a, midangte ruang erawh chu an ṭhiante hian an lasawn hman niin an sawi.