Army commander-in LoC dinhmun a enfiah

Northern Army Commander, Lt Gen Upendra Dwivedi chuan Inrinni liam ta khan Line of Control (LoC) leh Kashmir Valley-a security dinhmun a enfiah. LoC-a forward post-te tlawhin, sipai leh tualchhung mite a kawm nghal bawk.

Indian Army thuchhuah chuan, "Army Commander hi China Corps Commander, Lt Gen ADS Aujla chuan a ṭawiawm a, LoC-a forward area hrang hrang an tlawh kual a ni. LoC security dinhmun te, Indian Army-ten hmasawnna hna an thawh hrang hrangte hrilhfiah a ni," tiin a tarlang.

Dwivedi leh Aujla-te awm laiin, Keran tualchhung mite chuan LoC-ah India national flag, feet 72-a sang chu Krian khaw bul, Kishan Ganga lui lamah an zar a ni.

North Kashmir-ah ft 108-a sang national flag zar
North Kashmir-a Baramulla-a Hyderbeigh-ah nimin khan national flag, feet 1-8-a sangah zar a ni.

Nimin vek khan Lieutenant Governor Manoj Sinha kaihhruaiin Border Security Force buatsaih, Tiranga rally chu Srinagar-ah neih a ni bawk. Jammu and Kashmir Light Infantry Regimental Centre chuan Inrinni khan Independence Day lawmna pualin live band concert an lo buatsaih a, Budgam area-ah Central Reserve Police Force-in walkathon rally an buatsaih bawk.