Partition Horrors Remembrance Day : PM-in Partition hun laia nunna chante zahna a hlan

Prime minister Narendra Modi-a'n nikuma a lo puan tawh angin, nimin khan Partition Horrors Remembrance Day hman a ni. Hemi puala thu a sawiah, PM chuan Partition hun laia nunna chante zahna a hlan.

Nikum Indepdence Day lawmnaa thu a sawiah, PM Modi hian kumtinin August 14 chu "Partition Horrors Remembrance Day"-ah hman a ni tawh dawn tih puangin, mipuite tawrhna leh inpekna chu hriatreng a ni ang, a ti.

PM bakah BJP chief minister dangte pawhin India chanchina hun hrehawm ber zinga mi, Partition hun laia mi tam tak tawrhna thleng chungchante sawiin, he hun hrehawm tak tuartute an tawrhpui thu sawiin, nunna chante zahna an hlan thu an sawi ve bawk.