World Heritage City-ah Ahmedabad puang

UNESCO-in World Heritage city a puan zing­ah Ahmedabad chu telh a ni a, India rama World Heritage city-a puan awm chhun leh hmasa ber a ni.

Poland-a Krakow-a UNESCO world heritage committee session 41-na chuan list thar hi a puang a ni. Khawvel pumah world heritage city atana puan hi khawpui 287 a awm a, heng zinga hian Indian subcontinent-ah pahnih chauh an la awm a, chungte chu Nepal-a Bhaktpur leh Sri Lanka-a Galle-te an ni a, Ahmedabad hi telh a ni ve leh ta a ni.

Ahmedabad hi kum 600-a upa a ni a, Mahatma Gandhi-a’n India ram tana zalenna a sual ṭanna hmun a ni. Khawpui chhungah hian Hindu leh Jain temple-te dingin, Indo-Islamic architecture leh Hindu Muslim art hmuh tur tam tak a la awm a ni. Hmanlai thil hlu awmte vawng ṭha reng chungin hmasawnna lamah a ṭhang chak hle a, India smart city thlanchhuah hmasa zingah pawh a tel a ni.

Prime Minister Naredra Modi, Gujarat Chief Minister Vijay Rupani leh BJP president Amit Shah-te chuan World Heritage city-a Ahmedabad thlan tel a ni chu lawmawm an tih thu an sawi.