I-Day bik atan caller tune thlak

16th August, 2022

Sorkar laipui chuan Independence Day lawmna pualin phone caller tune a thlak.

Nimin bika caller tune thlak hi sorkarin Har Ghar Tiranga campaign a neihna peng pakhat niin, phone hmangtute chuan Indian flag nena an selfie-na chu HarGharTiranga.com ah share tura ngenna an dawng a, hemi hnu hian Har Ghar Tiranga theme song an play zui leh bawk.

Culture secretary Govind Mohan chuan nimin bik atan chauh caller tune hi thlak a ni tiin, nimin zing khan HarGharTiranga.com-ah national flag nena selfie-na hi vaibelchhe 4.2 vel upload a ni hman a ni, a ti.

Har Ghar Tiranga campaign kalpuina tur hian Union Home Ministry chuan Flag Code chu vawi hnih a siamṭha hman a, puan aṭanga siam flag chu mipuiten chhun leh zana ina an tar phalsak an ni.