Kashmir-ah firfiak pahnih kaphlum

Kashmir hmarlam, Handwara-a Nowgam sector-ah ramri paltlanga India rama rawn luh tum, firfiak pahnih chu security force-te’n an kaphlum. Security force-te chuan ramri bula ramhnuaiah India rama rawn luh tum eng emaw zat an la biru niin an hria a, an dap mek a ni.

Pathianni khan Pakistan sipaite chuan Poonch sector-a LoC-ah Indian post-te chu an kap leh a, India sipaite pawhin an chhang let ve nghal a ni. Inrinni khan Poonch district-ah, inkahhai puan palzuta Pakistan sipaite silai hmehpuahah sipai pakaht leh a nupui chu kahhlum an ni a, an fate pathumin hliam an tuar bawk. Pakistan Army hian Chakka da bagh leh Kharri Karmara biala Indian post leh thingtlang khuate an kap a ni. India sipaiten an beih letnaah hian Pakistan sipai pahnih kaphlumin, sipai paruk an kaphliam bawk.