Eptu pawl vice president candidate Gopalkrishna Gandhi

Eptu party 18-te chuan nimin khan meeting neiin, vice president candidate atan West Bengal go­vernor hlui Gopalkrishna Gandhi an ruat.

Nimina meeting neih­ah hian JD(U) hruaitu Sharad Yadav, Congress president Sonia Gandhi, prime minister hlui Manmohan Singh, TMC hruaitu Derek O’Brien, CPI(M) hotu Sitaram Yechury, NC hruaitu Omar Abdullah, SP hruaitu Naresh Agarwal leh BSP hotu Satish Chandra Mishra te an tel.

Vice president inthlan hi August 5-ah neih a ni dawn a, hemi ni vek hian vote chhiar zui nghal a ni ang. Eptuten vice president candidate atana an thlan­chhuah Gopalkrishna Gandhi hi Mahatma Gandhi tupa a ni. Kum 1946-a piang niin, IAS officer hlui a ni a, kum 2004-2009 chhung khan West Bengal governor a ni.