Nitish Kumar-a’n eptu pawl candidate thlawp dawn

Bihar Chief Minister, Janata Dal (United) hruiatu Nitish Kumar chuan vice president thlanna neih turah eptu pawl, non-NDA candidate Gopal Krishna Gandhi a thlawp tur thu a sawi. Nitish Kumar hian president thlan turah NDA candidate Ram Nath Kovind thlawp a tum thu a lo sawi tawh a ni. Thawhlehni khan eptu pawl hrang hrang 18 hruai­tute chuan meeting an nei a, vice president candidate tur hi an thlang a ni. Hemi hnu hian Congress vice president Rahul Gandhi chuan Bihar Chief Minister hi biain, an candidate chungchang hi a sawipui a, Nitish Kumar pawhin vice president candidate atana an ruat chu a pawmpui thu a lo hrilh a ni.

Vice President ṭanglai Hamid Ansari term hi August 10-ah a tawp tawh dawn a ni. Vice president hi thlan a ngai a nih chuan August 5-ah thlan a ni ang a, hemi ni vek hian vote chhiar nghal a ni ang.