Uttarakhand-ah ruah sur nasa

Uttarakhand state-ah ruah a sur nasat avangin state chhung lui hrang hrang an lian.

Lui lian hian inkalpawhna lamah harsatna a thlen a, hmun hniam lama chengte chu an awmna tuiin a chim mai a hlauhawm avangin hmun him leh sang lamah insawn tura hriattir an ni. Ruahsur nasa avanga lui lian hian Dehradun, Chamoli leh Almora khaw daiah in eng emaw zat a lenchhe tawh bawk. Dehradun thuneitute chuan Rispana leh Bindal lui bula chengte chu insawn turin an ngen a, Dehradun-ah hian tuilian awmdan thlithlai turin flood chowki (post) 32 siam a ni bawk. Ruahsur nasa avanga hian state chhung hmun tam takah lei a min bawk a, Mussoorie bulah tleirawl pakhat chu an in chimin a delh hlum bawk.