Phalna nei loa Freedom March huaihawttu man

Gujarat police-te chuan Dalit hruaitu Jignesh Mevani chu phalna nei loa kar khat awh tur Azadi Kooch (Freedom March) a huaihawt avangin an man. A rual hian Rashtriya Dalit Adhikar Manch activist 100 chuang hren an ni bawk.

Dalit hruaitu Mevani hian Nilaini khan Freedom March hi a hawng a, sorkarin hemi huaihawt tur hian phalna a pek loh avangin km 5 vel kawng an zawh hnuah police-te chuan activist-te hi an man ta a ni.

Kawngzawh huaihawt hmaa Meshsana-a inkhawm buatsaihah, JNU students’ union president hlui Kanhaiya Kuar chuan thu a sawi. He hun hi nikuma bawng humhalhtu intiten bawng thi vun an hih avanga Dalit mi pasarih an sawisak champhaah neih a ni a, Dalit mite sawisak an nih lai video clip hi social media lamah thehdarh a lo ni tawh a ni.

Freedom March neih chhung hian Dalit hnamte harsatna tawh hrang hrang bakah, loneitute dinhmun leh harsatna tawk mekte tarlan tum a ni a, Gujarat hmarlamah kawngzawh hi huaihawtin Tharad-ah tawp tura tih a ni.