Ganga lui-ah bawlhhlawh paih khap

National Green Tribunal (NGT) chuan lui thianghlim, Ganga lui kam meter 500 chinah bawlhhlawh eng chi mah paih phal a nih loh thu sawiin, dan bawhchhiate chu na taka hrem an ni tur thu a tarlang.

Justice Swatander Kumar kaihhruai bench chuan thuneitute hnenah Unnao leh Haridwar-a Ganga lui kama bawlhhlawh paih phal tawh lo turin a ti a ni. Hei bakah hian lui kam meter 100 chin chu ‘no-development zone’ a puang turin a ti bawk. Green Tribunal chuan Ganga lui kama bawlhhlawh paihte chu Rs 50,000 chawitir an nih tur thu a sawi.