UP CM-in a puala red carpet, sofa leh AC dah duh lo

Uttar Pradesh Chief Minister Yogi Adityanath chuan state official-te hnenah hriattirna pein, CM-in a tlawh tur hmunahte a puala special arrangement siam lo turin a hriattir.

UP CM Adityanath hian an state-a inrenchemna kalpuina turin ruahmanna hrang hrang a lo siam tawh a, VIP culture tihtawp a tum a ni. A zinna leh a hmun tlawh turahte inbuatsaihna hautak tak buatsaih tawh lo turin official-te a hrilh.

May 12 khan CM hian BSF martar Prem Sagar-a in, Deoria ami chu a tlawh a, hemi ṭum hian official-te chuan CM a kal dawn vang hia Prem Sagar-a inah hia sofa dahin, red carpet an phah a, dawhkhan khuhna tharte dahin air-conditioner an lo dah bawk. Sagar-a inah hian CM hi minute 15 vel chauh a awm a, a kalchhuah hnuah official-te chuan an cheina te chu an la kir leh nghal vek a ni. Hemi chungchang hi media lamin an report hnuah, CM chuan official-te chetdanah a lawm loh thu sawiin, hetiang thil ti tawh lo tur hian a hrilh a ni.