Insawifiah turin Air India phut

Air India-in ram chhunga a thlawhtheihna service-a economy class-ah non-vegetarian food tihtawp a tum thu a sawi tawh a, hemi chungchang hi sawifiah turin Parliamentary panel on tourism chuan a phut.

July 10 khan Air Indi chuan thuchhuah siamin, ei bangnawi tihtlem leh a man tihhniam na tur te, catering service tihchangtlunna turin non-veg food tihtawp a nih tur thu hi a lo sawi tawh a ni. Hei hi mi tam takin an sawisel a, Air Passengers Association of India pawhin a dodal a ni. 

TMC MP Mukul Roy kaihhruai parliamentary panel chuan hemi chungchang hi sawifiah turin sorkar laipui leh Air India an phut tih a sawi. Parliament session-ah pawh sawichhuah an tum thu leh, he thutlukna hi sut leh tura an phut thu an sawi.