BJP Parliamentary Board member siksawi

Central-a rorellai, BJP-a thuneitu sang ber, Parliamentary Board member siksawi a ni a, union minister Nitin Gadkari leh Madhya Pradesh chief minister Shivraj Singh Chouhan-te chu board member aṭangin paih an ni.

Board member-ah hian Karnataka chief minister hlui BS Yediyurappa, union minister Sarbananda Sonowal, IPS officer hlui Iqbal Singh Lalpura, Lok Sabha MP hlui Satyanarayan Jatiya, BJP national OBC Morcha president K Lakshman leh national secretary Sudha Yadav-te dah an ni a, prime minister Narendra Modi, union home minister Amit Shah leh defence minister Rajnath Singh-te an tel bawk.

Parliamentary board member-te hi party Central Election Committee (CEC)-ah an tel nghal a ni. CEC aṭang hian union minister hlui Shahnawaz Hussain leh Jual Oran-te paihin, Maharashtra deputy chief minister Devendra Fadnavis, BJP national secretary Bhupender Yadav, Om mathur leh women wing chief Vanathi Srivivasa-te dah luh a ni.