Bihar Law Minister thar manna tur thupek tichhuak

Bihar chief minister Nitish Kumar kaihhruai ṭangrual sorkar thara Law Minister atana lakluh hlim, Kartikeya Singh chu mi rukbo case-a manna tur thupek tihchhuah a ni.

Kartikeya Singh hi deputy chief minister, Tejashwi Yadav-a party, Rashtriya Janata Dal (RJD) member a ni.

CM Kumar chuan a minister thar hian thubuai a nei tih a hriat lawk loh thu a sawi.

Kartikeya Singh hi August 16 khan court-ah inpe tura hriattir a ni a, mahse hemi ni vek hian sorkar thara minister tur hian lakluh a ni. Singh hi midang 17-te nen kum 2014-a mi rukbo chungchangah inhnamhnawiha puh a ni. In sa tu pakhat rukbo chungchangah Minister hi ruahmanna siamtu bera puh a ni. Mahse an puhna hi thu dik lo a nih thu leh, a lakah warrant engmah tihchhuah a nih loh thu a sawi thung.