Haryana sorkarin lirthei lei khap

Haryana cabinet meeting chuan financial year kal mekah sorkarin ṭul bik thilah lo chuan motor a lei thar a khap. Mahse he khapna hian public transport leh emergency thil erawh a huam lo. 

He thutlukna hi chief minister Manohar Lal Khattar hoa cabinet ṭhukhawm chuan Ningani khan an rel a ni. Covid-19  leng vangin state sorkar sum dinhmun pawh a tlahniam a, hei vang hian sorkar sum hman chhuah pawh tihtlem a ngai tih an sawi a ni. Khattar chuan hri leng vang hian Haryana sorkarin cheng vaibelchhe 4,600 a hloh tawh thu a sawi a, inrenchemna an kalpui a ngai tih a sawi. 

Ningania cabinet ṭhukhawm chuan Faridabad, Chhainsa village-a Gold Field Institute of Medical Sciences and Research chu lei a nih theih nan a pawm fel nghal. He hmalakna hi state chhunga hriselna lama mipuiten hma an sawn theih nana tih a ni.