Vawiinah BJP-in VP candidate puang dawn

Central-a rorellai, BJP chuan vawiin hian vice-president thlanna neih tura NDA candidate tur a puang dawn.

August 5-a vice president thlanna neih tura NDA candidate atana rinkai zingah hian Union Minister M Venkaiah Naidu leh Tamil Nadu governor C Vidyasagar Rao-te pawh an tel. Madhubani MP Hukumdev Narayan Yadav, Manipur governor Najma Heptulla, leh Kerala governor P Sathasivam-te hming pawh sawirik tel a ni bawk.

Nimin tlai khan BJP parliamentary board chuan meeting neiin, NDA candidate tur hi an ngaihtuah a ni. Pathianni khan meeting nei tawhin, NDA hnuaia BJP thawhpui dangte chuan vice president candidate thlan tura Prime Minister Narendra Modi chu thuneihna an pe a ni. Vice president thlanna neih tura chuh tumte tan vawiin hi nomination paper thehluh theih hun tawp a ni.

Eptu ṭangrualte chuan vice president candidate atan hian West Bengal governor hlui Gopal Krishna Gandhi an lo ruat tawh a ni.