National Security Strategies Conference zo fel

Union home minister, Amit Shah kaihhruaia Delhi-a ni hnih awh, National Security Strategies Conference neih chu August 18 khan zawh fel a ni a, he conference hi virtual leh physical mode hmanga neih a ni.

Conference hi Intelligene Bureau buatsaih a ni a, national security kaihhnawih thil chi hrang hrang sawiho a ni. Conference-ah hian Ajay Kumar Mishra, MoS (Home), Nishith Pramanik, MoS (Home), Central agency hrang hrang hotu, CAPF, CPO leh state tin DGP-te an tel.

Conference-ah hian counter terror and counter radicalisation, Maoist overground leh front organisation, crypto currency, counter drone technology, cuber and social media surveillance, islands leh ports venhim, 5G technology, border area-a pawikhawihna thleng ṭhin leh drug trafficking chungchangte an sawiho.

Amit Shah chuan state tinte chu national security kaihhnawih thilte chu dah pawimawh ber turin a chah a, hei hi ram leh ṭhangtharte an dopuina tur a ni tiin, theihtawp chhuaha lungrual taka thawhho a ṭul thu a sawi. Border area-a DGP-te chu ramria thil thlengte uluk taka thlithlai reng turin a chah.

Ruihhlo chungchang pawh sawilangin, Shah chuan ruihhlo man chu a tawk mai lo a, drug network chu a bul ṭhut aṭanga tihtawp vek a pawimawh a ni, a ti bawk.